Apirilaren 8an, Larraintzar ikastetxeko ikasleek eta irakasleek, guraso batzuen laguntzarekin, Korrika Txiki ospatu genuen Larraintzar herritikan. Guztiok euskararen alde! Klikatu eta argazkiak zuen blogeetan ikusgai dituzue.

Urtarrilaren 29an Lehen Hezkuntzako ikasle guztiak patiora jeitsi ziren Donostiako Danborradako abesti batzuk jotzera.

Bideoa google fotosen ikus dezakezue. Zuen gustukoa izatea espero dugu!

LEHENENGO HIRUHILABETEARI AMAIERA EMATEKO 1. MAILAKO IKASLEEK DINOSAUROEN GAIKO ERAKUSKETA EGIN DUGU GURASOEN AURREAN.

Azaroaren 25ean Indarkeria Matxistaren Aurkako Nazioartek Eguna izan zen. Azaroaren 26an LH -ko ikasleek HH-ko ikasleei bertso batzuk abestu genizkien honen inguruan.

5. mailakoek ere bertsolaritza saioetan sortutako koplak bota zituzten! Gustora entzun genituen denek!

LH5 mailako ikasleek ostiralean eskeinitako bertso-antzerki ikuskizunaren bideoa ikusi dezakegu hemen.

3 ipuin eder hauetan Estitxu Arozena bertsolariarekin aurten lan ederra egin duela argi gelditzen da. Merito handiko ikuskizuna!

 

Gure aiton-amonek kontatzen dute beraien aiton-amonek kontatzen zutela, duela urte asko asko mendiek zuhaitzik ez zituztenean….

 

Aitona Joxepe eta amona Josefina joan zirela mendi buelta bat ematera eta zulo batean erori zirela.

 

Gero amonak kolpe handi-handia hartu zuen eta hanka apurtu zuen. Aitona Joxepek mugikorra motxilatik atera zuen baina tamalez ez zuen koberturaruik.

 

Aitonak, amona Josefina arrekonkon hartuta kobazulotik barna ibil ziren irtenbide baten bila. Bat-batean uraren hotsa sumatu zuten eta hara joan ziren.

 

Uretan murgildu ziren eta kobazulotik ateratzea lortu zuten, eta itsas barean agertu ziren.

 

Konturatu gabe bi marrazo zituzten inguruan. Horietako batek ahoa ireki zuen aiton-amona jateko asmoarekin, baina….aitonak bere hortzordea bota zion marrazoari eta eztarrian trabatuta geratu zitzaion. Jarraian beste marrazoak eraso egin zien, baina…amonak eskuetan zuen bastoia marrazoaren aho irekian trabeska jartzea lortu zuen. Aiton-amonak uretan gora egin zuten burua atera zuten arte eta arnasa hartu zuten salbu zeudela jakinda. 

 

Aitona-amona igerian hasi ziren uharte desertu batera iritsi arte. Iritsi zirenean ezin ziren ia-ia mugitu, baina indarrak atera zituzten uhartetik nola ateratzen ahal ziren ikusteko.

 

Bidean zihoaztela, ura eta janaria bilatzen ari zirela, aitonak zerbait disdiratsuarekin estropezu egin zuen, eta….zer ote? Bada lanpara magiko bat zen. Igurtzi zutenean lanpararen barrutik genio bat atera zen.

– Zer nahi duzue? Hiru gurari eskatzen ahal dizkidazue-esan zuen genioak.

– Amonaren hanka sendatzea nahi genuke, nire hortzordea berreskuratzea eta amonaren bastoia berriz izatea nahi genuke.

– Hori bakarrik?- genioak. 

 

– Bai, hori bakarrik-aitonak.

 

Genioak bere hitza bete zuen. 
Aiton-amonek jarraitu zuten haien bidean, txori batzuei begiratzen ari zirela beste zulo batean erori ziren. Horrela uhartea utzi zuten eta berriz ere lurraren erdian zeuden galdurik. Hainbat kilometro ilunpetan egin ondoren berriz ere uraren zurrumurrua entzun zuten. Hara joan, uretan murgildu eta uretatik ateratzea lortu zutenean konturatu ziren haien etxean zeudela. Haien errekatik atera ziren. Aiton-amona kontent eta pozik bizi izan ziren eta bilobei istorio hau hamaika aldiz kontatu zieten.

 

Egileak:

Iosu Aguinaga, Olaia Ariztegui, Aimar Etxeberria, Hania Arano, Maite Lasso, Basagaitz Aguinaga, Saioa Arangoa, Izan Alburquerque, Angela Aldaz.